影片
更多
2023-05-15
651 瀏覽
位於灣仔軒尼詩道的 ［檀島咖啡餅店］始創於1940年的，屹立在香港大半個世紀，經歷多少風霜，仍然能生存嘅老牌茶餐廳，雖然評價好壞參半，但一定會有佢嘅棒埸客，我就由細食到大，一想起食蛋撻飲奶茶，就會諗起檀島，現在已經由第二代經營，食物種類更多元化，例如茶餐廳傳統食物，炒粉麵，焗飯，小炒，自家製麵包蛋糕都非常出色😋😋今晚收工夜咗去，最愛既蛋撻🥧已經賣晒，唯有食住其他嘢頂住檔先🤣🥠▪️拿破崙沿用古法配方，由酥皮，合桃蛋白餅，牛油忌廉組合而成，逐層逐層鋪上去，好用時間同心機，而家唔係太多餅店可以做得到，味道方面酥皮超級香脆，合桃蛋白餅充滿住大量合桃，而旦奶油唔甜香滑，口感豐富🍰▪️香蕉班籣卷蛋瑞士卷蛋就食得多，香蕉班籣口味就第一次試，首先店家好慷慨，卷蛋比正常分量差唔多大成倍，蛋糕軟熟，超級香濃香蕉味，陣陣班籣葉香，唔太甜，我鍾意香蕉味嘅食物，好味🐷▪️焗豬扒飯仍然沿用不鏽鋼焗盤，即叫即製，番茄醬汁、鬆嫩豬扒及黃金炒飯一一做得到位，仲有新鮮蕃茄，洋蔥和融化咗嘅芝士，焗到面層少少焦燶，傳統做法，最好食嘅風味🧆▪️瑞士汁乾炒牛河新鮮即炒夠鑊氣，炒得河粉乾身唔油，牛肉嫩滑，洋蔥和芽菜脆身，調味好好，所有材料
位於灣仔軒尼詩道的 ［檀島咖啡餅店］始創於1940年的，屹立在香港大半個世紀，經歷多少風霜，仍然能生存嘅老牌茶餐廳，雖然評價好壞參半，但一定會有佢嘅棒埸客，我就由細食到大，一想起食蛋撻飲奶茶，就會諗起檀島，現在已經由第二代經營，食物種類更多元化，例如茶餐廳傳統食物，炒粉麵，焗飯，小炒，自家製麵包蛋糕都非常出色😋😋
今晚收工夜咗去，最愛既蛋撻🥧已經賣晒，唯有食住其他嘢頂住檔先🤣
🥠▪️拿破崙
沿用古法配方，由酥皮，合桃蛋白餅，牛油忌廉組合而成，逐層逐層鋪上去，好用時間同心機，而家唔係太多餅店可以做得到，味道方面酥皮超級香脆，合桃蛋白餅充滿住大量合桃，而旦奶油唔甜香滑，口感豐富
🍰▪️香蕉班籣卷蛋
瑞士卷蛋就食得多，香蕉班籣口味就第一次試，首先店家好慷慨，卷蛋比正常分量差唔多大成倍，蛋糕軟熟，超級香濃香蕉味，陣陣班籣葉香，唔太甜，我鍾意香蕉味嘅食物，好味
🐷▪️焗豬扒飯
仍然沿用不鏽鋼焗盤，即叫即製，番茄醬汁、鬆嫩豬扒及黃金炒飯一一做得到位，仲有新鮮蕃茄，洋蔥和融化咗嘅芝士，焗到面層少少焦燶，傳統做法，最好食嘅風味
🧆▪️瑞士汁乾炒牛河
新鮮即炒夠鑊氣，炒得河粉乾身唔油，牛肉嫩滑，洋蔥和芽菜脆身，調味好好，所有材料入晒味，推介
🥪▪️夾心西多士
坊間現在有好多款唔同材料做成嘅西多士，我都係鍾意食最傳統嘅，金黃色炸方包中間夾住厚厚既花生醬，炸好熱辣辣嘅時候加上牛油同糖漿，超正😋非常邪惡嘅組合，誰人能抵擋得住
☕️▪️ 熱奶茶 / 熱咖啡
此店名物奶茶，精選幾款優質茶葉製作茶膽，好香滑，茶味濃郁，奶香悠久，配上最佳拍檔麵包蛋撻，真係會令人飲上癮，咖啡和奶茶的沖制方法一樣，完完全全港式風味
張貼
