影片
更多
2020-06-15
3176 瀏覽
香港有好多日本餐廳，普通食晚餐嘅話間都幾百蚊一個人，但係質素大部份都一般。趁生日食間唔同價位，人一世物一世，自己試吓有咩分別最實際。今次食嘅係佢特別為咗慶祝餐廳25周年嘅set menu,有8個course。餐廳有sake pairing,佢哋話呢度嘅sake喺出邊買唔到嘅，好！就試試佢。第一道前菜開始牛油果吞拿魚他他，兩道食材零違和感，入口順滑，配蜜黑豆有小驚喜京都麩西京燒，用西京燒既方法處理麵根唔算重口味生果係兩粒無花果，無特別前菜配嘅第一杯係甜既福岡縣梅酒老實講平時唔太好梅酒，佢有好濃縮嘅梅味，但意外既係佢一啲藥水味都冇，似果汁得來有淡淡的酒精，完全開哂胃👍🏻第二道 吸物係北海道蠑螺海鮮湯經典日式高湯 貴在用蠑螺去淆加埋其他海鮮，成個湯清而不淡仲好鮮味對海鮮味敏感既話可加數滴青檸味成個湯tune down返少少，似普通木魚高湯個人喜歡原汁原味 成壺上，份量算多第三道 刺身龍蝦、拖羅、海膽、帆立貝、甜蝦、鯛魚同鯖魚Sorry，真係無得輸。酒店級嘅刺身，新鮮係基本。但至少出邊食嘅餐廳食set menu，加幾百蚊刺身嘅級數都會有失手，真心比唔上。個人覺得龍蝦特別出色，老公鍾意海膽同拖羅
趁生日食間唔同價位，人一世物一世，自己試吓有咩分別最實際。
今次食嘅係佢特別為咗慶祝餐廳25周年嘅set menu,有8個course。餐廳有sake pairing,佢哋話呢度嘅sake喺出邊買唔到嘅，好！就試試佢。
第一道前菜開始
牛油果吞拿魚他他，兩道食材零違和感，入口順滑，配蜜黑豆有小驚喜
京都麩西京燒，用西京燒既方法處理麵根唔算重口味
生果係兩粒無花果，無特別
前菜
63 瀏覽
0 讚好
0 留言
前菜配嘅第一杯係甜既福岡縣梅酒
老實講平時唔太好梅酒，佢有好濃縮嘅梅味，但意外既係佢一啲藥水味都冇，似果汁得來有淡淡的酒精，完全開哂胃👍🏻
62 瀏覽
0 讚好
0 留言
第二道 吸物係北海道蠑螺海鮮湯
經典日式高湯 貴在用蠑螺去淆
加埋其他海鮮，成個湯清而不淡仲好鮮味
對海鮮味敏感既話可加數滴青檸味
成個湯tune down返少少，似普通木魚高湯
個人喜歡原汁原味
成壺上，份量算多
吸物 蠑螺海鮮湯
50 瀏覽
0 讚好
0 留言
第三道 刺身
龍蝦、拖羅、海膽、帆立貝、甜蝦、鯛魚同鯖魚
Sorry，真係無得輸。
酒店級嘅刺身，新鮮係基本。但至少出邊食嘅餐廳食set menu，加幾百蚊刺身嘅級數都會有失手，真心比唔上。
個人覺得龍蝦特別出色，老公鍾意海膽同拖羅。
刺身
71 瀏覽
0 讚好
0 留言
六款刺身，平時食到呢度都開始冇肚餓嘅感覺，可能係飲咗第二杯sake - 國士無雙 𣄽神威 北海道 既大吟釀，清清地既米香可以將刺身魚油既膩感清除。即刻肚餓既感覺又返黎。I am so ready for the next course.
第四道 燒物
坦白講燒物係全餐最失色
鹽燒長野縣河魚
魚肉燒到太乾身，加上魚身薄，無咩肉
唔詳細講
第三杯配同樣長野縣既信州龜齡大吟釀
同第二杯有啲似，多一份碳酸味，稍濃
第五道 炸物
炸蠔 粟米餅
唔好意思唔記得咗影相掛住食😂
記得嗰陣得返粟米餅
一句總結，粟米餅好好食，好食過蠔
一啲都唔油，雖然基本野
開心返哂
第四杯
Pair秋田縣出產既太平山 天巧
話說呢一支曾經攞過金賞
亦係我同老公一致認為最好飲既一杯
米味香濃而不搶，甜而和順
第六道主菜
石燒鮑魚 飛驒牛
鮑魚燒既火喉控制得好好，爽口夠香口
牛比起日本高山食過既當然差啲
但不離8，9，算係驚喜
滿口牛油香，有一秒覺得去左日本
第七道
茶漬和牛飯
燒和牛飯團 竟然比之前燒物出色好多
最後加少少茶湯試第二種食法
成件事浪費左！
大家如果食呢個飯，留返一啖試就夠
篇幅所限，加唔到相
最後一道係Omakase甜品
當日係蜜瓜 芒果 紅豆湯 蕨餅
呢啲通常都穩陣 無咩出錯
配甜品酒，四國出產嘅愛媛蜜柑酒
做一個甜美嘅完結。
呢餐用左好多貴價食材，都算對得起佢個價錢，設計料理既心思都感受到，能夠將佢既味道發揮得恰到好處，令食客期待下一道菜，係佢做得好既地方。
成餐食左兩個半鐘，由頭到尾都好舒服，一分錢一分貨係永恆定律，我會話物有所值。
價錢參考：
$2525 for two
Sake pairing x6
$725 per person
10% service charge
張貼
