標記樂園潮州粉麵餐廳

營業中

休息中

平心而論，點選嘅菜式都幾好食嘅！（都有可能係疫情關係太耐無出街食飯啦）首先嚟返碗湯，唔少得係胡椒豬肚湯，係本小姐嘅 favourite 呀！蒜蓉粉絲蒸鮮魷呢一道菜真係唔輸得！滿滿嘅蒜蓉呀，粉絲超入味，用嚟送飯一流！當然魷魚都好鮮甜。三色椒炒牛柳就一般般啦；另外炸大腸都係幾好，只係我個人比較喜歡淨食肥美嘅部份，略嫌部份大腸太瘦，哈！如果真係要批評嘅話，我認為衞生比較差，咁啱我食晚飯期間不停有隻烏蠅圍住我哋飛來飛去。不過，打冷嘅舖頭一般都係差唔多。兩個人就食咗咁多嘢，係滿足嘅，重要差啲食唔晒要打包呢！