影片
更多
2022-10-29
5438 瀏覽
📌 牛舌專門店 - 深水埗桂林街46B號地舖🗓(29/10) 星期六 ⏰ 晚上5:30 💈特式：最近見到網上各大牛舌group都不約而同有人討論呢間牛舌專門店，正評看似都唔少，咁就當然事不宜遲要去幫大家試試啦。🥩🍔🌭🌮🥗🥯🥘🍲🍝🍣🥟🍤🍱食物：餐廳位於深水埗黃金附近，餐廳中間有落場時間，我去到時大約5點咁啱落場中，但我周圍行下再返去，大約5:20門口已經排左10個人以上，所以如果想試就要睇準時間了，等我同大家講下味道先。佢地唔同部位到位嘅牛舌/牛扒/雞扒等都可以選擇鐵板或者御．食盒，我今次就兩款牛舌都係揀鐵板上。牛舌芯🐮👅 - 鐵板牛舌芯$128，可以選擇加錢轉套餐，呢個就配左英式芥末醬汁，個餐有兩條牛舌芯，牛舌芯特式係爽口嘅口感，咁佢都做到個隻爽口的，芥末醬就係普通西餐嘅芥末。二重牛舌 - 二重牛舌有牛舌芯同牛舌尖$98，呢個就揀左日式牛排汁，牛舌芯上面講左，呢度就講下牛舌尖，牛舌尖口感就係淋同滑身，所以叫二重牛舌就可以一次過食晒兩款口感，個日式牛排汁就類似大阪燒面d汁咁。☕️🍵🥤🧋🍺🍷🥃🍹🧉🍾🍶🥛飲品 - 飲品就係有罐裝汽水/啤酒選擇，無乜特別，所以我都無特別叫。🍽環境：餐廳
🗓(29/10) 星期六 ⏰ 晚上5:30
💈特式：最近見到網上各大牛舌group都不約而同有人討論呢間牛舌專門店，正評看似都唔少，咁就當然事不宜遲要去幫大家試試啦。
🥩🍔🌭🌮🥗🥯🥘🍲🍝🍣🥟🍤🍱
食物：餐廳位於深水埗黃金附近，餐廳中間有落場時間，我去到時大約5點咁啱落場中，但我周圍行下再返去，大約5:20門口已經排左10個人以上，所以如果想試就要睇準時間了，等我同大家講下味道先。
佢地唔同部位到位嘅牛舌/牛扒/雞扒等都可以選擇鐵板或者御．食盒，我今次就兩款牛舌都係揀鐵板上。
牛舌芯🐮👅 - 鐵板牛舌芯$128，可以選擇加錢轉套餐，呢個就配左英式芥末醬汁，個餐有兩條牛舌芯，牛舌芯特式係爽口嘅口感，咁佢都做到個隻爽口的，芥末醬就係普通西餐嘅芥末。
二重牛舌 - 二重牛舌有牛舌芯同牛舌尖$98，呢個就揀左日式牛排汁，牛舌芯上面講左，呢度就講下牛舌尖，牛舌尖口感就係淋同滑身，所以叫二重牛舌就可以一次過食晒兩款口感，個日式牛排汁就類似大阪燒面d汁咁。
☕️🍵🥤🧋🍺🍷🥃🍹🧉🍾🍶🥛
飲品 - 飲品就係有罐裝汽水/啤酒選擇，無乜特別，所以我都無特別叫。
🍽環境：餐廳環境真心有d迫同窄，枱亦好細張，冷氣有d凍，音響開得太大聲有點嘈，店內油煙味都重，所以坐得唔太舒服，個人隨身物品就可以好似韓燒餐廳咁放入櫈內。
🤵🏻🤵🏻♀️🤵🏻♂️服務：職員服務態度正常，餐廳以剔紙仔落單，填完就交比職員，因為同一時間有太多人入坐，職員有提醒上菜係以入單時間出返餐，我見第一個入單客人大約15分鐘就上到餐，如果遲入單就要等耐少少了。
💰💸價錢：因為唔係太肚餓，所以無加錢轉套餐，只係單點左兩個鐵板，埋單$226，覺得就唔算好抵，相信都係香港一貫問題，一大部分都係比左舖租啦。
🐲💬總結：我本身都係好鐘意食牛舌嘅人，佢做得都唔錯，但個價錢就唔算吸引，味道亦都只係中等，而且餐廳環境真係太唔舒服，坐位又少，如果撞啱無人都會再幫襯的。
推薦指數：❤️❤️❤️🤍🤍
二重牛舌
$98
205 瀏覽
0 讚好
0 留言
牛舌芯
$128
169 瀏覽
1 讚好
0 留言
張貼
