Hands-On Coffee (已結業)

行行下街落大雨，咁啱見到有間coffee shop, 就入去坐下。本身剩係諗住飲下野，原來佢仲有主食果d，就入黎食埋晏。✨呢度環境都幾有特色，由好多圓形既elements 組成，感覺幾新穎。最特別係天花同牆身都好多煲蓋既物體xD, 仲郁到嫁添，其實係煮咖啡既工具黎。✨除左咖啡，主食甜品都幾吸引～～✨我地叫左個burger set, 好可惜今日無氮氣咖啡，所以就改左做其他飲品。✨朱古力咖啡： 咖啡味好香，朱古力又唔會太甜，啱晒我呢d 怕苦既朋友仔。✨黑毛豬漢堡配焗薯（$118): 個burger 份量十足，入面有parma ham, 黑毛豬，菠蘿，生菜，芝士，居然仲有泡菜。 個包烘到好香脆，菠蘿好juicy, 黑毛豬反而有d 硬，但加左ham 同泡菜辣辣地，味道豐富得黎又幾得意。焗薯有d 香草都幾香，如果多d 就好。✨卡邦尼蛋汁配溫泉蛋（$92): 面頭塊芝士好薄好脆，食落好香。溫泉蛋滑一滑～切開好流心☺️，撈埋意粉度蛋味幾香。呢個卡邦尼汁食起上黎唔會漏同heavy, 係比較簡單同清新既選擇。✨泡沫甜蛋配咖啡撞雪糕（$90): 呢個係我最期待既甜品環節，因為未食過泡沫甜蛋😛唔知係乜東東。