影片
更多
2016-06-13
2347 瀏覽
從來只會係opensnap post下相打幾句食評講下好唔好味咁 但呢間漁屋真係令我嬲到要上黎打返篇食評如心呢間漁屋，對上一次食已經係大約年半前，個陣通常食放題都會話要黎返呢間食，甚至我會同我啲朋友講話呢間係我最鐘意、最好味既放題！今年生日一心諗住同男朋友黎返呢間食，生日前幾日就已經Book定 21:30 食 (因為電話個個人話平啲，點知$26x 一個人)首先一去到，問我地Book枱電話，點知話無我地電話，好啦，之後佢大嗌入去問有無2人位就比左間近廚房既包廂我地，有幾張枱咁9點9開始點野食，一開始我地點左好多既，張張紙都有點幾樣野咁，到10點3 過左半個鐘都只係黎左一碟刺生、一碟冷盤前菜、可樂X1 (我杯巨鋒果酒都未黎)好啦，其他野食未黎都算，我地再點第二輛，諗住坐多陣第一輪既野食就會黎，到10點半，都仲只係黎左幾串串燒，炒硯，羊架。跟住我真係忍唔住行出去個包箱（一出去就見到廚房）就問啲員工點解我地可以坐左接近一個鐘都仲係黎得咁少野？要等到幾時先有其他野食？我連野飲都未黎係發生咩事？我地啲點餐紙係咪掉哂？5百幾蚊 2個人食餐咁既放題！我真係寧願食第二啲！仲要係生日，同男朋友係度一等再
如心呢間漁屋，對上一次食已經係大約年半前，個陣通常食放題都會話要黎返呢間食，甚至我會同我啲朋友講話呢間係我最鐘意、最好味既放題！
今年生日一心諗住同男朋友黎返呢間食，生日前幾日就已經Book定 21:30 食 (因為電話個個人話平啲，點知$26x 一個人)
首先一去到，問我地Book枱電話，點知話無我地電話，好啦，之後佢大嗌入去問有無2人位
就比左間近廚房既包廂我地，有幾張枱咁
9點9開始點野食，一開始我地點左好多既，張張紙都有點幾樣野咁，
到10點3 過左半個鐘都只係黎左一碟刺生、一碟冷盤前菜、可樂X1 (我杯巨鋒果酒都未黎)
好啦，其他野食未黎都算，我地再點第二輛，諗住坐多陣第一輪既野食就會黎，
到10點半，都仲只係黎左幾串串燒，炒硯，羊架。
跟住我真係忍唔住行出去個包箱（一出去就見到廚房）就問啲員工點解我地可以坐左接近一個鐘都仲係黎得咁少野？要等到幾時先有其他野食？我連野飲都未黎係發生咩事？我地啲點餐紙係咪掉哂？
5百幾蚊 2個人食餐咁既放題！我真係寧願食第二啲！仲要係生日，同男朋友係度一等再等，一次機會比多一次機會！
跟住佢地就派左位女員工問我地想食啲咩 有啲咩係嗌左無黎既？
我地就同佢講左大約6,7樣野食，之後黎既速度都好慢，同埋無黎齊過，都係黎左3樣到
黎左成粒鐘先同我講我個巨鋒果酒無哂！犀利
話咁快坐坐下就到11點 佢同我地講LAST ORDER....
LAST ORDER我地又點左幾樣！但都係黎得1,2樣！真係成餐飯真係唔知食左啲咩
本身仲見到佢有好多款甜品好興奮，最後一樣都無黎到，好野
10點9個陣佢地仲開始清場咁款 因為個包箱無乜人 佢地就開始掃地掃到勁近我地
有無諗過我地感受？ 師兄 食緊野架大佬！啲塵揚起哂點食？
呢間野唯一既優點係 啲三文魚刺生,甜蝦好好食。同埋有位男員工好好禮貌。間野其他既大部份員工都係操不流利廣東話（以前唔係）
打食評之前有睇過下啲劣評講佢地啲乜，見到有個食評係"一間不會給你吃飽的放題料理" 我終於明白點解 無辨法啦 永久black list.
張貼