龍城冰室

營業中

休息中

今晚喺淘大嗰頭做完嘢，經過見到龍城冰室門面光猛又乾浄，夜晚6點左右已經坐左八成人，一於入去試試先。入到去唔使等就坐低左，餐廳好闊落，坐位又多。全部都係卡位，坐得好舒服，我覺得感覺好似上咗架火車，一個個卡座，頭頂仲有好多吊燈🤣我哋兩個人分別叫咗個晚餐-蒲燒櫻花豚肉，見唔太餓主菜叫咗薯菜，個餐跟中或西湯連熱飲。兩三分鐘就上咗中湯，1/4碗都係湯渣，足料濃味。等左5分鐘左右就上主菜喇，個豚肉嫩滑又淋身，配埋個日式燒汁味道啱啱好，薯角又熱辣辣，忍唔住清晒😝另外散叫咗個招牌石鍋鮑魚蝦球炒飯，個侍應捧上枱嘅時候熱辣辣、香噴噴，見到已經流口水。啲飯吵到一粒粒、好香口，蝦球又爽又大舊，咬落去好滿足。鮑魚仔都有四五隻，食完個飯都仲係keep住暖，一流。係一間可以再encore嘅冰室。