十三少 (已結業)

來到十三少當然要必試酸菜魚啦，無論價錢同食物質素都好高，兩個人的話可以食套餐$348，當中有涼菜：椒麻皮蛋/涼拌土豆絲/蒜泥青瓜，主菜：酸菜魚/水煮魚，小菜：乾煸四季豆/麻婆豆腐，配送白飯兩碗，非常抵食！蒜泥青瓜蒜泥味好重，每粒青瓜都鋪滿蒜蓉，酸酸地好開胃，就算食到太飽都可以消滯。十三少酸菜魚辣到揀咗小辣，酸麻味都幾重，湯底出色好飲，不油膩，魚既份量都足夠兩個人，魚質幾滑唔腥。入面配料有萵筍、酸菜、菇類，如果有埋薯粉就好了。乾煸四季豆呢個小菜好出色，都好建議大家叫來食，辣度同麻香好濃，重口味人士之選，肉碎炒得超香，配送白飯一流！紅糖糍粑+$28甜品也是必叫吧！炸得非常脆口，咬口都幾痴牙，但食到米味幾香，唔經唔覺一條一條咁食晒，好飽都會食得晒。