Thirty First of May (已結業)

Fiancé好神秘咁話帶我去睇月球🌕原來佢指既月球係呢間餐廳入面天花板吊住個月球🌝好靚呀！未入到餐廳之前，望到佢外面已經覺得唔似係荃灣，我覺得入黑重好似去左soho區甚至係london咁😆好正啊佢個頭盤，蒜蓉白酒青口煲有十隻咁多，重要大大隻啖啖肉，有兩片烘過既脆法包俾我地點汁食，好好味！餐湯我叫左番茄忌廉湯，fiancé叫左黑松露野菌忌廉湯。我好鍾意個番茄湯夠酸，好fresh，唔係用茄膏溝既味道，飲得出用大量番茄blend，有茄肉沙沙地既質感。試左啖fiancé 既湯，有香濃既松露味，重食到有粒粒野菌，兩款湯都好真材實料！餐包都係用上青口煲既法包，但配上蒜蓉蛋黃醬，個醬令人食上癮，好想要多幾片呢！主菜揀左意式番茄汁大蝦扁意粉同慢烤美國穀飼斧頭豬架。扁意粉無煮到淋bad bad，有啲硬度，啱晒鍾意食硬身pasta既我。每條扁意粉都掛滿番茄蓉，又再次見到佢真材實料！唔會就咁用茄膏茄汁hea煮。大蝦有四隻，但蝦味唔夠濃，我會prefer食一隻虎蝦多過食四隻呢種蝦。個斧頭豬架好有氣勢，一黎到已經想用手拎住大啖咬！😂😂不過斯文啲好，廢事失儀態。豬架烤到好香，未食都聞到～切開帶少少粉嫩，唔點gra