影片
更多
2017-08-24
41 瀏覽
還有個多月就到中秋節，或許已經有人在吃月餅了。正所謂「中秋將至，人月兩團圓」，不過近年除了傳統月餅外，坊間亦有不少甜品品牌，推出咗巧克力月餅，而是日，筆者就應邀來到太古城分店，出席「L’Éclair de Génie」舉辦的中秋推廣活動「mooncake madness」，並即場品嘗了品牌為中秋而炮製嘅泡芙和朱古力月餅。為了迎接即將來臨嘅中秋，店內的牆架都掛上燈籠作裝飾，非常之有氣氛。喺介紹月餅前，先講吓品牌特別為中秋而製作的兩款節日限定口味閃電泡芙。而今次最開心就是可以親自見到品牌創辦人兼法國殿堂級甜品大師 Christophe Adam，並由佢即席示範怎樣炮製當中嘅 N°286 香栗梅子閃電泡芙 ($48)。原來泡芙底層要先冠以滿滿的雲呢拿軟忌廉，然後添上法國栗子及日本酸梅果茸啫喱，面層再唧上栗子忌廉，並擺放了栗子粒、金箔和金色嘅朱古力玉兔作點綴。吃一口，栗子忌廉非常軟滑輕身，加上酸梅的微鹹，更能襯托出栗子的香氣。而另一款同樣為今個中秋而創作的 N°287 紅豆黑芝麻閃電泡芙 ($42)，軟滑的泡芙內層先灌以綿綿的紅豆忌廉，再混入黑芝麻脆脆，而面層就印上象徵蓮花的圖案及玉兔作裝飾，
還有個多月就到中秋節，或許已經有人在吃月餅了。正所謂「中秋將至，人月兩團圓」，不過近年除了傳統月餅外，坊間亦有不少甜品品牌，推出咗巧克力月餅，而是日，筆者就應邀來到太古城分店，出席「L’Éclair de Génie」舉辦的中秋推廣活動「mooncake madness」，並即場品嘗了品牌為中秋而炮製嘅泡芙和朱古力月餅。
為了迎接即將來臨嘅中秋，店內的牆架都掛上燈籠作裝飾，非常之有氣氛。
喺介紹月餅前，先講吓品牌特別為中秋而製作的兩款節日限定口味閃電泡芙。而今次最開心就是可以親自見到品牌創辦人兼法國殿堂級甜品大師 Christophe Adam，並由佢即席示範怎樣炮製當中嘅 N°286 香栗梅子閃電泡芙 ($48)。原來泡芙底層要先冠以滿滿的雲呢拿軟忌廉，然後添上法國栗子及日本酸梅果茸啫喱，面層再唧上栗子忌廉，並擺放了栗子粒、金箔和金色嘅朱古力玉兔作點綴。吃一口，栗子忌廉非常軟滑輕身，加上酸梅的微鹹，更能襯托出栗子的香氣。
而另一款同樣為今個中秋而創作的 N°287 紅豆黑芝麻閃電泡芙 ($42)，軟滑的泡芙內層先灌以綿綿的紅豆忌廉，再混入黑芝麻脆脆，而面層就印上象徵蓮花的圖案及玉兔作裝飾，用料中西合璧，入口充滿芝麻香氣，正。
至於品牌今次推出嘅中秋節朱古力月餅 (原價 $328、預購價 $208)，外型雖然以傳統月餅為藍本，不過細心留意，原來每一個月餅面頭都壓有中式暗花圖案，既精緻又細膩。其實月餅的外層係以牛奶朱古力或朱古力製作，而內層則分別有焦糖杏仁，椰子斑蘭軟糖，檸檬香茅軟糖和榛子 4 種口味。月餅加入法國水果軟糖後，口感更多元化，而且一去月餅予人甜膩的感覺，味道清新。
如果大家還沒想好今年要買那款月餅嘅話，不妨考慮吓上述兩款閃電泡芙和朱古力月餅，帶回家與家人品嘗，更可共享團圓甜蜜一刻。
張貼
