意粉 360 (已結業)

今日有人請食飯真開心，一入餐廳，裝潢唔錯，入面很大，適合跟朋友聚餐的地方。打開餐牌，很多選擇，我們先叫了秋之風味二人餐。二人餐有帶子野菌忌廉湯，很多菇菌，忌廉味濃，足料；大蝦沙律，醬汁酸甜很開胃，沙律菜亦夠新鮮。二人餐包埋棒棒雞翼，配BBQ醬，非常好食，很快食晒成碟。二人餐主菜為鐵板豬仔骨配薯條沙律，豬仔骨略嫌香草味太濃，蓋過晒本身豬仔骨味道，薯條正常，熱上的。我見口渴，先叫了黃金海岸特飲，入面有波蘿及芒果汁加椰奶，本人覺得略酸，如果波蘿汁減少少會較好。另外，我們叫了鐵板香蒜牛肉，墨汁意粉，同埋2mm 薄的pizza, 先講牛肉，香蒜味過濃，食唔到牛味。墨汁意粉，就麻麻地，賣相已經唔吸引，食落口得咸味。但是pizza 非常好味，新鮮熱上，汁料配得好好，因為2mm 薄，很快就食左2件。最後叫了甜品，格仔餅幾好食，足料，配上雪糕一齊食，冷熱交錯，味道一流。整體食物味道不過不失。