影片
更多
2015-09-08
1667 瀏覽
前幾日，小新同愛麗絲去左西灣河協青社睇一個跳舞表演，睇之前，我地就係西灣河一帶揾下有冇啲價廉物美既餐廳喇😎我地揀左呢間叫壽司屋既小店，呢間餐廳好細，只可以好逼咁擺兩張四人枱，不過裝潢就好特別，因為店內周圍都擺滿種種玩具同模型，仲有一個小書櫃，牆上仲貼左個度高表，記錄住幾個小朋友唔同年度高既成績，真係好有人情味👧🏽 好喇講番啲野食先，我地點左一個三文魚手卷丶三文魚拼吞拿魚壽司卷同一客冷烏冬。全部都只係約十幾蚊到，但刺身既質素唔差，份量又ok，可以話係價廉物美😎 而個冷烏冬都好彈牙，不過其實就得好細碗，應該係俾人食少少，送下壽司咁。如果要食好似平時一碗既烏冬，可能就要叫番set個啲喇～其實壽司屋係一家人經營既，爸爸媽媽就負責整野食，而年紀輕輕既「小店長」就負責招呼客人，佢地都好有禮貌，而中途都會見有唔少熟客入泥叫壽司外賣，食家們不防都去試下啦😁
前幾日，小新同愛麗絲去左西灣河協青社睇一個跳舞表演，睇之前，我地就係西灣河一帶揾下有冇啲價廉物美既餐廳喇😎
我地揀左呢間叫壽司屋既小店，呢間餐廳好細，只可以好逼咁擺兩張四人枱，不過裝潢就好特別，因為店內周圍都擺滿種種玩具同模型，仲有一個小書櫃，牆上仲貼左個度高表，記錄住幾個小朋友唔同年度高既成績，真係好有人情味👧🏽
好喇講番啲野食先，我地點左一個三文魚手卷丶三文魚拼吞拿魚壽司卷同一客冷烏冬。全部都只係約十幾蚊到，但刺身既質素唔差，份量又ok，可以話係價廉物美😎 而個冷烏冬都好彈牙，不過其實就得好細碗，應該係俾人食少少，送下壽司咁。如果要食好似平時一碗既烏冬，可能就要叫番set個啲喇～
其實壽司屋係一家人經營既，爸爸媽媽就負責整野食，而年紀輕輕既「小店長」就負責招呼客人，佢地都好有禮貌，而中途都會見有唔少熟客入泥叫壽司外賣，食家們不防都去試下啦😁
張貼
