皇后飯店 (已結業)

公司每逢聖誕新年特別多飯食，今日同dept head 一行三人去左呢間食lunch，多謝我個好同事推介加book位。😍先來一個餐湯，呢個忌廉湯飲得出係用舊一代手法去煮，因為食得出有蜆肉、紅籮白粒同綠色粒粒，而且唔係杰撻撻一pat嘢。好好飲呀😋個餐包好鬆軟，唔係叮完再叮嘅隔夜麵包。好好味😋飲完個湯同食完個包感覺好暖粒粒。主菜黎啦！黑松露汁比目魚配薯菜舊魚好大舊，夠晒飽！魚皮煎到脆卜卜我好鐘意食魚，呢碟魚我評分好高。set lunch都只係$115，仲有餐飲老闆要求食甜品，我不嗜甜的，捨命陪君子。呢個雪糕泡芙都唔錯再來一個心太軟，呢個要讚佢外皮脆脆但仲係流心，又唔太甜，好味👍😋總結一下：set lunch百幾一個餐，又有甘嘅質素，係可以再來嘅！👍👍 當然甜品係另外叫啦！咪玩！