金田家 (已結業)

這間過江龍開完一間有一間，不是日本頂級的拉麵店但係可以一試。地方就荃新天地開這間店鋪，環境寬闊，光猛，乾淨。侍應的服務一般，欠缺一點笑容。話哂都係新開，唔知係咪最低工資關係，影響他們的服務質素。激辛拉麵，聽個名就知喇啦，試咗一啖真係好辣。但係麵質軟硬適中加上配菜，有粟米蔥花，芽菜。配搭上豚肉都幾好味架。如果唔食得辣就唔好叫啦。有80分啦。特濃豬骨拉麵，湯底冇個名咁濃郁，當然係食到有豬骨味，加上豚肉都可以，並不是口字的一款，薄薄的幾片。豚肉並不是軟滑，嫩口，而且彈牙個款，衹是普通豚肉。麵質軟硬適中。有70分啦。豚骨雞白湯拉麵，湯底有雞味，唔係太濃亦唔係太淡。加上豚肉陪襯，拉麵亦都是軟硬適中，整體上唔錯。75分啦。 海老燒鹽麴拉麵，衹是荃灣店期間限定。湯底有濃郁的海鮮味，配上粟米玉子半隻（做得出色）和片薄薄的豚肉。配搭上都是幾好的。但主角海老蕭是失色了一點，可能燒過火只食到燶味，有芝士味，蝦味本身並不突出。60分啦。我唔知第二區的金田家是否和此間質素一樣。希望有待改進，有日本人的服務精神，對食物的堅持。不要有名冇實。因為日本拉麵一定要用心製造，才可脫穎而出。