韓牛牧場 (已結業)

位處cwb最多特色食肆嘅燈籠街，不過樓下街鋪就勁多人，成日排長龍，如果想坐得舒服小小，一定選擇樓上餐廳無誤😊今次揀左間韓式燒烤餐廳，可能係平日下午兩點餐廳已經冇乜人，所以同老公靜靜地食個lunch都唔錯，嚟得食燒烤餐廳，無乜理由唔叫燒肉，所以唔洗諗一嚟就決定左一個二人份燒肉set,有雞、牛、豬、蝦、青口，放落自轉光波烤爐，記得要點少少醬油先有味，Not bad…然後都叫返個飯，我哋叫咗個韓式炸雞飯，係炸雞件，唔係平時嗰種炸雞髀雞翼咁，而且似天婦羅炸法，同想像中嘅韓式炸雞有小小出入，唔係平時好juicy有掛汁嗰種炸雞，另外出面有自助飲品櫃同前菜bar,呢點比起普通餐廳叫一個set係幾好