大阪王將 (已結業)

晚上同友人係馬鞍山覓食，見呢間唔洗等位而我地都想食日本嘢就入咗嚟。蛋包飯。4個Step選擇適合自己口味嘅蛋包飯，我就揀咗五味海苔飯，元祖天津蛋，王將咖喱汁同漢堡扒。送到嚟啲熱氣已經令鐵板散發出誘人嘅嘶嘶聲，將咖喱汁淋落去啲聲仲厲害，仲可以聞到咖喱汁同飯嘅香味。漢堡扒幾厚身，但係好腍，好有份量，個蛋整得剛剛熟，夾埋咖喱汁同有少少飯焦嘅飯食真係停唔到口。叉燒拉麵。呢個就係我友人揀嘅，佢就覺得麻麻地，認為都要成七十幾蚊倒不如加幾十蚊去拉麵店食咁。