The Old Book Store by The So Lonely Club

營業中

休息中

The Old Book Store by The So Lonely Club 銅鑼灣 是一間有格局有情調的餐廳，店內裝修吸引了不少打卡客光顧，食物及服務都有一定水準，食物除了外觀亦注重內涵，個人覺得是泰國菜與西餐、日本菜的混合，會再次光顧試下其他菜式😋。青檸凍的蜆：蜆肉爽口雖然大少不一，但一碟都有15-16隻，食落沒有沙，醬汁是泰式醬汁好像有點香茅、九層塔🌿味道，酸酸甜甜食落幾開胃，算係好食但唔太岩個人口味。唯一要挑剔係果半個青檸，九成乾身點壓都無乜青檸汁出。 照燒鰻魚汁帶子日本扇貝飯：兩粒扇貝清爽彈牙，飯粒還伴有菇碎及帶子，整個飯與鰻魚照燒汁幾match，飯粒粒粒皆香，呢個係可以再食😋。 芥末蒲燒鰻魚比薩：在黃咖喱軟殼蟹與這個猶豫，店員指較多人叫的是軟殼蟹，鰻魚是新推出的，所以最後決左試新野。整個pizza非常薄脆，餅底可以說接近脆片沒有一點軟身，pizza材料有鰹魚花、紫菜、蟹柳柳、燒汁、芥末醬、鰻魚、芝士，食落有點似食章魚燒的味道👅。 芒果抹茶沙冰：無乜抹茶味，芒果香味唔重，感覺有點甜過頭，甜唔似出自芒果😵‍💫。