老厝邊

營業中

休息中

又係一間長期排隊嘅舖頭，今日特登嚟大角嘴試下，等得唔算耐，因為餐廳都幾多位，大約10分鐘就可以入座。餐廳充滿台灣嘅味道，裝修令你好似置身台灣一樣。第一次你點都試吓佢嘅推介菜式，本來想試紅燒牛三寶麵，但係店員話牛筋賣晒，所以我哋叫咗眷村紅燒牛肉麵。牛肉只有三塊，湯底比較油，但係蘿蔔好入味，本來見到面條比較幼身，以為會好軟，點知都幾有咬口，唔錯。雖然我知道清湯牛肉麵係冇牛肉嘅，但係我估唔到同紅燒牛肉麵嘅湯底一樣，仲係一樣咁多油，所以有啲失望。另外一樣失望嘅菜式就係呢一個芋泥蛋餅，因為餐牌上面寫住超濃，所以我以為會好香芋頭味，但竟然係冇味嘅，就連芝士都冇乜味， 成個蛋餅嘅味道全靠醬汁。珍珠奶茶正常，茶味幾濃。