廚十三老壇酸菜魚 (渣甸街) (已結業)

咁耐無通關，好掛住內地既酸菜魚，估唔到依家香港都食到！我地先叫佐小食開下胃，麻辣砵砵雞 $98同埋上上簽$88，其實姐係串串🍢 麻辣砵砵雞入面就有牛展，牛肚，牛脷，鵪鶉蛋，萵筍片，土豆片，雞腳，全部都好配麻辣，吸晒啲味好好食。上上簽就有鵪鶉蛋，蓮藕片，椰菜花，黑木耳，鳳爪，而且果汁無咁麻，花椒味重啲，岩晒唔同中意食辣既朋友！🌶😋之後就當然係主角老壇酸菜魚！呢度係用鱸魚做魚片，所以魚片香滑彈牙又入味，湯底方面辣度適中，加上少少麻，而酸味都唔會太濃，一個好match既湯底，加上自選配料，豆腐，青筍片等等，又豐富又滿足！