娘惹嫁到 (已搬遷) 新店位置

每次搭車都會經過，鋪頭細細冇咩裝修。如果唔係同事話一定要去試都唔去牙因為實在太唔起眼啦！其實呢餐係之前熱辣辣既天氣去架，點解而家先寫食平，因為呢到冇冷氣夏天去會熱到死，但而家既氣溫去食就剛剛好。好舒服唔會熱死先啦。今次我地就試左馬來西亞深海魚蛋喇沙同熱浪咖哩牛尾薯仔飯。佢個喇沙好好味，魚蛋仲好彈牙，唔錯唔錯！而佢個咖哩牛尾薯仔飯呢咖哩濃郁牛尾都好入味仲要唔係好辣啱哂我口味不過佢份量都好細我食完都係覺得剛剛好咋😅。到最後因為太熱就叫左杯野飲香茅特飲同班蘭薏米水降降溫，聽個名好特別唔係太甜都算OK好彩唔係奇怪味😆所以趁呢咁既天氣要去食多次先得如果唔係只好係熱辣辣既天氣只好叫外賣LU～