小草屋潮家菜 (已結業)

12月26日，去將軍澳探朋友。幾個人分頭攞位，呢度快有位，7個人就0係度醫肚。點心d款式比一般廣東茶樓少。而所謂的潮式，就只多了些卥味、少量以\"潮式\"掛帥0既菜式及甜品。最有印象0係﹕1) 咩餃物餃0既皮好\"淋\"，唔多掂。2) 芝士香芋春卷--冇芝士味，有油\"益\"味，好難食。3) XO醬炒蝦米腸--似炆唔似炒，一pat pat，好淋、好油；得豉油，一dXO醬都冇，就連一條瑤柱都搵唔到!好過份!4) 潮式海皇煎烏冬--搵唔到有蝦，只係好多蛋煎一底烏冬，好似厚批咁切開一份份，食一件都都夠皮，又滯又寡；成本都唔使$5，咁都賣成$68，離晒大譜!!!!!5) 潮式反砂芋--因為未食過，覺得好特別，但唔好食，所以每人都只食一條就唔再食。後來上網才知道原來正宗是--「先用豬油將芋條爆香，之後要將糖漿煮滾，放入芋條與?花，邊炒邊收火。糖漿在收火後會變成雪白的「糖砂」，當糖砂均勻地為芋條染上白色，就是上好的反砂芋條。挾一條入口，那香甜軟糯的口感，就如雪糕一般溶在口中，有趣滋味。」--呢度冇豬油、冇入口即溶law......6) 其他0既野食左都冇咩感覺，失敗。