Smokey Ice (已結業)

白布街呢頭一向都多甜品鋪, 有時行完旺角去旺角東搭車前, 都會幫襯一下。呢日見到新開既Smokey Ice, 驚喜在用「豬扒」「牛扒」做甜品, 似係幾年前元朗果間鋪! 有創意, 價錢唔算太貴(而家甜品差唔多價起標啦), 於是就入左去試。 肉質...即係雲呢拿雪糕, 夾埋食落仲脆既炸豬扒皮。豬扒皮感覺吸得太多油, 有少少油溢味。食落就唔似豬排, 不過賣相一流, 一定可以呃LIKE。「腸粉+豆腐雪糕+炸蕃薯糯米糍+菠蘿」的組合。腸粉有少少椰子味, 不過唔夠濃, 唔知點解加個朱古力醬有少少怪....炸蕃薯糯米糍幾好味。不過重點係豆腐雪糕...有甜甜既豆腐味, 唔錯。