影片
更多
2007-11-25
13 瀏覽
** 此食肆的第廿六個笑**尋日(24-11-2007 Sat)遊完大澳歸家途中,5:44pm到東涌,爸好似好開心(可能今日佢可以破晒戒食啲佢要戒口o既o野食)就順住個勢提議返荃灣食晚飯,我覺得荃灣好似冇咩好食,於是提議去青衣城搵o野食,就搭地鐵去lu.約6點多啲到青衣城,睇吓有咩食肆先,爸揀o左稻香,啊.我o地等o左一陣就有枱,爸好遲至話打邊爐,於是叫侍應攪攪佢,原來唔駛轉枱,只係拉走張枱布就見到個同張枱連成一體o既電磁爐,真方便.大嫂眼闊肚窄地order o左好多o野食,一個$188.00唔記得叫咩日日鮮,有好多海鮮,有紅魚(幾甜),原隻帶子,八爪魚片,魚型及日本魚蛋片(算爽),鮮蝦,長腳蟹腳等等….另有珊瑚蚌,象拔蚌,脆肉鯇魚片(好脆),肥牛(其實唔算好肥,但可以啦),魚餃,創意o既有:金銀蛋西洋菜餃(食唔到西洋菜味),兩種墨魚丸,一種芝士墨魚丸,一種wasabi墨魚丸(兩種都幾香,丸又彈牙),蝦丸,內有蝦膏蟹子同馬蹄粒,唔錯.原來每碟份量唔少,食到我o地要打包啲丸同餃返屋企.酸梅湯唔夠甜.調味料方面,佢會拎8種調味料畀客人自己加到豉油內,有:蒜茸,金蒜茸,蔥花,碎花生,青紅辣椒
尋日(24-11-2007 Sat)遊完大澳歸家途中,5:44pm到東涌,爸好似好開心(可能今日佢可以破晒戒食啲佢要戒口o既o野食)就順住個勢提議返荃灣食晚飯,我覺得荃灣好似冇咩好食,於是提議去青衣城搵o野食,就搭地鐵去lu.
約6點多啲到青衣城,睇吓有咩食肆先,爸揀o左稻香,啊.
我o地等o左一陣就有枱,爸好遲至話打邊爐,於是叫侍應攪攪佢,原來唔駛轉枱,只係拉走張枱布就見到個同張枱連成一體o既電磁爐,真方便.
大嫂眼闊肚窄地order o左好多o野食,一個$188.00唔記得叫咩日日鮮,有好多海鮮,有紅魚(幾甜),原隻帶子,八爪魚片,魚型及日本魚蛋片(算爽),鮮蝦,長腳蟹腳等等….
另有珊瑚蚌,象拔蚌,脆肉鯇魚片(好脆),肥牛(其實唔算好肥,但可以啦),魚餃,
創意o既有:
金銀蛋西洋菜餃(食唔到西洋菜味),兩種墨魚丸,一種芝士墨魚丸,一種wasabi墨魚丸(兩種都幾香,丸又彈牙),蝦丸,內有蝦膏蟹子同馬蹄粒,唔錯.
原來每碟份量唔少,食到我o地要打包啲丸同餃返屋企.
酸梅湯唔夠甜.
調味料方面,佢會拎8種調味料畀客人自己加到豉油內,有:蒜茸,金蒜茸,蔥花,碎花生,青紅辣椒粒,薑粒同沙茶醬.正啊!
服務:
一到繁忙時間個個就忙到踢晒腳,但我o地唔好彩,撞o岩個失憶o既waitress,又慢又要成日提多次.
而我o地有叫$48.00 o既綠X一籃子(新鮮蔬菜)由頭到尾都冇o黎過,於是叫佢cancel,都要我o地叫o左兩次佢至去check,話冇入電腦,所以唔會計,於是我o地尋日個個就變晒食肉獸.
環境,衛生:
好乾淨同舒服.
唔計侍應o既失憶服務,可以畀個笑.
埋單:$705.00
張貼