K-Pop snack (已結業)

一向有買開牛骨湯飯外賣做lunch唔知係咪頂咗手定換哂d人。唔見平時見到有禮貌嘅韓國職員。今日貼錢買難受，一肚氣！今日買的牛骨湯竟然係舗了滿滿的油。牛骨湯會有油係面係正常，因為始終都是用牛骨煲出來。平常都是撇三至四下就可撇走大部分的油，但今日撇了半碗仍是油，跟本食唔到。拎返落去，職員解釋因廚房新來，可能未熟手，所以可能冇攪到落底，只撇面嘅裝入碗，所以多油。換了一碗，當場打開看，冇問題，起碼唔係一大片油。返到上office開始食，更領人驚訝的事出現了。牛骨湯只得籮白同湯，冇牛骨..............！！！打電話落去投訴要求退款，經過了5-10分鐘通話，幾個職員一個問一個，又一個接一個過電話講，之後同意退款。因為呢碗野已行了2次斜路來回，所以過了一陣得閑先再落去退款，那個職員竟然藐咀，話碗湯係「老闆娘」裝的，「肯定有3舊骨」！！我當刻直係嬲到爆。如果你係咁肯定，即係你認為我呃你嘅話，係10分鐘通話時你又唔講？如果你當時係電話咁講，我一定即刻落多次去！費事口同鼻嗌。依家講到好似係我屈你咁。一定唔會再幫襯！