夏雪 (已結業)

幾星期前逛旺角,途經夏雪,見set lunch三十蚊有交易,好似食得過喎; 終於今個星期有日提早出發食lunch,專程去試試.Set lunch大部份為廿八廿九蚊(再加一),有壽司配拉麵,飯配麵豉湯等等,惟獨飲品一定要加錢. 本來想食壽司,不過諗諗下都係先試豬扒蛋飯較安全...先彈上菜速度,勁慢囉... 落單三個字後只上一碟壽司,等多三個字兼催兩次先有豬扒飯; 飯食到一半碗麵豉湯都未到,又要催多次; 最後配壽司那碗拉麵又要再催先有,好唔掂呀! (是日仲要唔滿座)碗豬扒飯有賣相,可惜無味道. 豬扒厚度適中,無乜肥膏,但因此變得較硬和乾. 蛋又做唔到半熟有流黃那種,而且太少蛋啦. 至於碗麵豉湯仲衰,明顯地溝水,已經溝到無晒味,飲唔飲都無所謂...有位同事叫壽司餐,有天婦羅壽司配拉麵一碗. 睇圖就好吸引,不過碗拉麵少得可憐,食完都唔飽,好似無食過咁...一分錢一分貨,廿九蚊個豬扒蛋飯餐喎