影片
更多
2023-09-04
1113 瀏覽
差到平時懶得寫食評嘅我都要黎放負。首先入座so-called俾大張d嘅近窗口位，其實就係最入嘅一張我估係員工餐檯，正對著入後廚房嘅門口，隻機器人係咁送污糟碗碟入去又開唔到門等係度，我地望著d污糟碗碟好影響食慾。而且坐係咁隔隙位，叫極都冇人理。然後叫咗半隻鴨啦，等咗40分鐘，中間催過，阿姐就話係要等㗎啦，即烤㗎嘛。咁點解唔事先講明？人地要等20分鐘以上都會係menu寫清楚先啦。最後終於等到啦，點知上嗰籠餅皮塊塊都中間裂開咗，一塊變兩個半塊，點包？叫阿姐黎換，一句唔好意思都冇，西口西面換過一籠。終於可以食嗰半隻鴨啦，以為幾美味啦。其實皮同肉係完全分離嘅，皮烤到乾柴柴根本咬唔到郁，肉都淨韌，好似嚼香口膠咁，又有鴨騷味，真係唔得。最後我地仲包緊，冇手得閒之際，佢就隊張單黎叫埋單喎。我真係無語，淨係想快d離開。總之，係我咁大個人試過由服務到食物質素都最差嘅一間舖頭。😫
首先入座so-called俾大張d嘅近窗口位，其實就係最入嘅一張我估係員工餐檯，正對著入後廚房嘅門口，隻機器人係咁送污糟碗碟入去又開唔到門等係度，我地望著d污糟碗碟好影響食慾。而且坐係咁隔隙位，叫極都冇人理。
然後叫咗半隻鴨啦，等咗40分鐘，中間催過，阿姐就話係要等㗎啦，即烤㗎嘛。咁點解唔事先講明？人地要等20分鐘以上都會係menu寫清楚先啦。
最後終於等到啦，點知上嗰籠餅皮塊塊都中間裂開咗，一塊變兩個半塊，點包？叫阿姐黎換，一句唔好意思都冇，西口西面換過一籠。
終於可以食嗰半隻鴨啦，以為幾美味啦。其實皮同肉係完全分離嘅，皮烤到乾柴柴根本咬唔到郁，肉都淨韌，好似嚼香口膠咁，又有鴨騷味，真係唔得。
最後我地仲包緊，冇手得閒之際，佢就隊張單黎叫埋單喎。我真係無語，淨係想快d離開。
總之，係我咁大個人試過由服務到食物質素都最差嘅一間舖頭。😫
張貼