Mansons Lot (汕頭街)

營業中

休息中

灣仔玩具街老店將光榮結業，趁仲有時間嚟尋寶。玩具街附近都好懷舊，好值得閒逛。買完就去搵食，見到好多咖啡鋪，但有埋餐點就不多。Mansons Lot有啡有酒有奄列，仲有牛扒。門口位擺左好多黑膠唱片，店內光線溫柔，好啱慢慢嘆杯啡/酒，傾下偈。每個人都有杯dream coffee，而我個杯就係Irish coffee。見餐牌有，二話不說就入去。🍸Irish coffee $88唔係度度有，要有酒牌嘅咖啡店先有。今次呢杯係熱㗎，最鐘意面頭舊cream，中和烈酒和濃啡嘅苦，酒香咖啡香好正😍。🍹Tonic Espresso Bomb $60好啱炎夏飲嘅一款咖啡，杯上沾上糖，配上一角橙肉。將咖啡倒入Tonic中，形成如啤酒般綿滑泡沫，爽。🥚Omelette Smoked Salmon & buffalo cheese $108好厚好滑好大件嘅奄列，做得好好，入面芝士蛋汁同煙三文魚滑溜，好夾，外面煎得乾身，賣相又靚。🥩Grilled Rib Steak with potato fries 由於叫左杯Irish coffee，想叫啲有份量嘅襯番😂。牛扒煎得唔錯，外焦香，內粉紅，肉質不錯，好香牛味。