基隆茶餐廳

營業中

休息中

基隆有善心食物多選擇又好食經過就梗係要入去幫襯下啦！當日去到係大概中午到下午茶餐之間嘅時間朋友泊緊車，諗住等埋佢先叫所以花咗啲時間研究吓個餐牌本身唔係太餓所以都研究吓下午茶會唔會有啱食唔洗浪費。突然有個女侍應從我哋手上拎起個餐牌將下午茶嗰面擰轉，叫我哋睇另一面🤯其實我都係兩邊嘅餐牌研究吓姐⋯⋯比着係其他店有啲咁舒服嘅對待其實朋友都會走人不過因為佢係基隆，我哋就包容佢。食嘢先：我食嘅係肉餅飯，同埋叫咗碗湯。唔使我多講都知足料又好食啦不過途中呢位女侍應又黎過⋯⋯所以我哋都係食完急急腳咁走下次都係叫外賣算。