大雞大超級雞排 (已結業)

我食咗大雞大好多年，以前食過佢嘅雞扒同薯條，不過食咗咁耐，最中意都係食大雞大嘅BB雞🐔😍😍由以前嘅23蚊食到依家嘅29蚊，雖然價錢貴咗，但係我依然覺得值得去食😋BB雞有分大細，大嘅比細嘅多2嚿☺️亦有分BB辣、小辣、中辣同大辣🌶食唔到太辣嘅我多數揀BB辣😜每次食BB雞都一定要慢慢食，因為拎上手係熱辣辣🔥而我中意咬咗塊雞皮先再食肉，一咬塊雞皮脆卜卜，好惹味😍雞肉少少偏油，但保持嫩滑嘅口感，唔會太乾😆同埋食完一袋BB雞會好飽😝唯一美中不足嘅係食完會口渴，一定要買嘢飲🥤☺️