朝花夕拾 (已結業)

桂花糖炸雞($78)講真食之前真係對佢地既食物唔抱太大期望，畢竟文青cafe/餐廳從來都唔係以食物質素行先🤔，點知佢地啲野食又出奇地唔錯喎！炸雞新鮮熱辣，唔會炸得好乾，外層有少少桂花糖既甜，配埋白飯岩岩好！不過份量偏細份，唔夠食不妨叫多個玉子燒($70)，即叫即整有四大件，件件都彈下彈下咁好治癒😌。鰻魚飯有大大條鰻魚，白飯煮得唔錯非常彈牙，配埋少少鰻魚汁食，夠晒日本風味。最後加多一份花嘅甜品就滿足晒啦。