影片
更多
2016-11-04
4728 瀏覽
好似個題目咁講，食咗啲好嘢梗係介紹俾老細食係最好架啦，我諗唔使我講大家都知道點解係最好呢，嘿嘿。上次就兩個人來食魚生飯，已經覺得幾好食評分唔錯，今次就試埋個燒烤，我哋一行四個人，就叫咗三個餐一個魚生飯。餐牌上分普通嘅燒肉餐同埋商務餐，咁我哋就叫咗一個普通嘅餐同埋兩個商務餐。佢哋嘅分別除咗有牛嘅質素係唔同之外，就係個飯嘅分別，普通嘅餐只會配上白飯，商務嘅餐就會配上萌丼(即係流心蛋配紫菜白飯)普通餐就分別有牛肉，豬頸肉，雞，牛舌。商務嘅餐都有兩個分，我點嗰個商務餐就有海鮮，會有兩隻大蝦同兩隻扇貝，同埋有兩款比較靚嘅牛肉。而再貴啲嘅就會有四款唔同嘅牛肉(睇上去有少少遲疑黃牛嘅質素)。至於食落去嘅味道特別推薦就係大蝦，兩隻大蝦嘅份量都唔細，都幾大隻。另外就係貴啲個嗰餐的四隻牛肉都好食，特別係薄切，肥瘦均勻，只需要兩邊各烤十幾秒就可以食，千其唔好烤全熟，否則會un。另外同上次一樣只要係Facebook度讚好都會有八爪魚沙律甜筒送，而我上次嚟到嘅時候就冇晒甜筒，所以用紫菜包。今次終於可以用番甜筒，用甜筒整嘅味道比紫菜好，因為甜筒果種吹脆度比紫菜更豐富層次感更加大，再加上佢有甜甜嘅味道，帶起咗薯蓉嘅
上次就兩個人來食魚生飯，已經覺得幾好食評分唔錯，今次就試埋個燒烤，我哋一行四個人，就叫咗三個餐一個魚生飯。
餐牌上分普通嘅燒肉餐同埋商務餐，咁我哋就叫咗一個普通嘅餐同埋兩個商務餐。佢哋嘅分別除咗有牛嘅質素係唔同之外，就係個飯嘅分別，普通嘅餐只會配上白飯，商務嘅餐就會配上萌丼(即係流心蛋配紫菜白飯)普通餐就分別有牛肉，豬頸肉，雞，牛舌。商務嘅餐都有兩個分，我點嗰個商務餐就有海鮮，會有兩隻大蝦同兩隻扇貝，同埋有兩款比較靚嘅牛肉。而再貴啲嘅就會有四款唔同嘅牛肉(睇上去有少少遲疑黃牛嘅質素)。
至於食落去嘅味道特別推薦就係大蝦，兩隻大蝦嘅份量都唔細，都幾大隻。另外就係貴啲個嗰餐的四隻牛肉都好食，特別係薄切，肥瘦均勻，只需要兩邊各烤十幾秒就可以食，千其唔好烤全熟，否則會un。
另外同上次一樣只要係Facebook度讚好都會有八爪魚沙律甜筒送，而我上次嚟到嘅時候就冇晒甜筒，所以用紫菜包。今次終於可以用番甜筒，用甜筒整嘅味道比紫菜好，因為甜筒果種吹脆度比紫菜更豐富層次感更加大，再加上佢有甜甜嘅味道，帶起咗薯蓉嘅香。
另外加35蚊就可以有一份刺身，質料同魚生飯一樣地好。
烤肉的三種調味汁
今次終於寫到我好想食鯛魚燒，因為上次食完嗰個魚生飯套餐之後根本完全食唔落野，今次有四個人就可以share一下我嘅鯛魚燒BB。店員預先幫你拎出嚟烤，只需要係個烤爐到輕輕烤兩下就可以食啊。食落去出面其實唔會有熱度，同凍食無分別，但味道係好好食。
賣單嘅時候雖然四個人都要七百幾蚊，平均差唔多要＄200一個人頭，但係我老細話好抵，好味呀。跟住我仲要問佢係咪好好介紹，佢竟然答我話係呀，咁即係有下次啦，哈哈。
張貼
