富景清香麵家

營業中

休息中

今日喺東岸公園出發經東岸板道行到去北角匯，喺附近嘅富景清香麵家依下肚先。見到餐牌發覺餐廳原來除咗一般嘅雲吞牛腩粉麵之外，仲有好多唔同種類嘅嘢食，好似腸粉，粥，海蜇，墨魚頭，萵筍等等。好啱我呢啲有時唔想食澱粉質嘅人。爽脆海蜇（$28）：海蜇夠粗身，麻油味香，口感爽脆。酥炸墨魚頭（$58）：墨魚頭新鮮，炸得香脆，容易咬開。蜆蚧鯪魚球（$38）：鯪魚肉味重，咬落彈牙。蜆芥醬惹味。招牌崩沙腩麵（$54）拼蒡肺（+$12）：個面冇乜鹼水味。湯底濃郁。崩沙腩香滑軟熟。牛肺爽口。牛蒡好入味。熱菜蜜：下午茶時段嚟食嘢有熱飲送。我哋叫咗熱菜蜜，啱晒依家既天氣飲。