台北巷弄 (已結業)

冇得去旅行，但又好掛住台灣嘢食，就去咗樓下嘅呢間台式餐廳食飯😇店舖採用開放式設計，可以自己搵位，同朋友閒談之下，好快就有嘢食🤤鹽酥雞扒便當~原來鹽酥雞扒淨係夜晚先有，外皮炸得夠香脆，調味粉份量適中，咬落去有兩種層次，既食到香脆嘅外皮，亦食到內裏嫩滑的肉質，肉汁亦夠豐富，食落不乾身~配菜亦十分豐富，有滷肉可以配飯食，亦有糖心蛋及菜，湯品有蟲草花雞湯，味道香濃，卻沒有平時雞湯般油膩🤤台式排骨便當~好掛住台灣嘅排骨，估唔到呢度嘅排骨煎得幾好食，富油香，咬落亦不乾身，反而帶有筋位咬落幾爽口，分量亦夠多🤤配菜亦有滷肉，糖心蛋，菜及蟲草花雞湯，非常足料🤤炸甜不辣~好掛住台灣夜市的炸甜不辣，估唔到呢度食到嘅味道同台灣食到嘅有幾分相似，啱啱炸起熱辣辣，食落口又不會太油膩，反而食到香濃嘅魚味，少少鮮甜，肉質軟滑，忍唔住食多咗幾舊🤤油菜~食咗咁多肉點可以冇碟菜中和下，油菜配合滷肉味道不會太寡，而滷肉嘅汁亦可以做少少調味，味道不錯~胚芽奶茶~平時飲開嘅台式奶茶都係凍飲，今次就試吓熱飲嘅胚芽奶茶，打開見到粒粒胚芽，食落亦非常有質感，配合熱嘅奶茶味道幾夾~台式奶茶~估唔到熱飲嘅台式奶茶口感比凍飲嘅更幼滑，甜度控