喜運來點心專門店

營業中

休息中

【沒有豪裝但有實力💪的點心店】#喜運來 點心專門店✨浦江春鮮竹牛肉球，好味，有肉既彈性，帶微微鮮甜肉味✨半肥不瘦义燒腸，一睇個外皮晶瑩剔透，义燒唔係柴柴的，帶一點肥肉夠滑夠香口，如果個皮可以再滑 d 就 perfect✨燉湯，試左 “蟲草花螺片燉鷄湯” 同埋 “黑蒜螺片燉豬骨湯” ，真材實料，各有風味，“蟲草花螺片燉鷄湯” 清甜不油膩，“黑蒜螺片燉豬骨湯” 滿滿香濃黑蒜味，順喉留有餘韻✨九皇爺鮮蝦腐皮卷，有驚喜，餡料係大大隻蝦仁，唔係碎蝦仁，腐皮鬆化夠香口✨百吃不厭咸水角，外形已經好可愛，同樣係有驚喜，外皮外脆內軟，唔會食到成口油，內餡味道恰到好處，同外皮既微甜夾得好好，咸甜咸甜好滋味✨糯香麻蓉煎堆仔，唔食會後悔系列，外層又係脆中帶點軟糯，唔油膩，一咬即刻見到爆量既黑芝麻餡，帶點芝麻油，油香四溢，簡直好味到想自己一個獨吞全碟✨蝦餃、燒賣、流心奶黃包、鳳瓜、金錢肚、釀茄子就正常發揮，飲茶不能沒有之點心之一#點心 #新蒲崗 #燉湯 #义燒腸 #鮮竹牛肉球 #鮮蝦腐皮卷 #咸水角 #麻蓉煎堆仔 #唔食會後悔系列 #喜運來 #飲茶