Ristorante Pizzeria Da Vincenzo

營業中

休息中

呢一間大角咀的意大利小店真係有D料到，睇返D資料先知原來個大廚兼老闆係意大利人，唔怪得之佢D食物嘅味道真係與別不同。就以呢個茄汁意粉為例(佢個餸名好鬼長又唔記得影低所以唔記得咗寫唔番出黎)，個樣好似平平無奇，但係一食落去就知道個分別。首先佢係用真嘅番茄去整個汁，而唔係用D罐頭野甚至係D工業用茄糕去開個汁，其次就係佢個意粉，食落有咬口，同外間食到嘅一般意大利粉好唔同，佢係有彈性嘅。跟住就係D香料，有屠次感，唔係就咁得個酸字就係番茄意粉。當然佢D肉碎嘅質素都係唔錯嘅。是日餐湯係西蘭花湯，又係自家製而唔係飲罐頭湯，真係非常有誠意。