26
0
0
等級1
1
0
有彩蛋既街市糕點店😛
2020-06-08 215 瀏覽
介紹下呢間小店係南昌街市入面，住附近或者會黎買餸既你地就要試下啦！先推介下佢地個馬豆糕，有一粒粒既口感加埋好重好香濃既椰奶味，食落口感好綿滑，又有啲彈牙滑捋捋既感覺。跟住就係芝麻糕，呢個糕點個人認為比較特別，因為出面比較少見，芝麻糊就食得多，芝麻糕就真係第一次見😂芝麻香口感又好爽口，呀媽話似以前舊式既芝麻卷咁😂第三樣係桂花杞子糕，清清地有啲花香味，淡淡既清甜杞子味，口感又彈滑，琥珀色好靚，買左啲返去比屋企人食佢地都好中意，特別係啲長輩唔中意食咁甜，呢款甜品就啱曬佢地！😂
更多
介紹下呢間小店係南昌街市入面，住附近或者會黎買餸既你地就要試下啦！
先推介下佢地個馬豆糕，有一粒粒既口感加埋好重好香濃既椰奶味，食落口感好綿滑，又有啲彈牙滑捋捋既感覺。
跟住就係芝麻糕，呢個糕點個人認為比較特別，因為出面比較少見，芝麻糊就食得多，芝麻糕就真係第一次見😂芝麻香口感又好爽口，呀媽話似以前舊式既芝麻卷咁😂
第三樣係桂花杞子糕，清清地有啲花香味，淡淡既清甜杞子味，口感又彈滑，琥珀色好靚，買左啲返去比屋企人食佢地都好中意，特別係啲長輩唔中意食咁甜，呢款甜品就啱曬佢地！😂
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
用餐途徑
堂食