旦記小食 (已結業)

今日，約左寶寶去觀塘做運動，差少少未夠鐘，收工又有d肚餓，忽然想吉番串魚蛋食下，行到觀塘廣場，見到呢間都幾多人食，就試下。值得加許既係，買完後面仲有座位，唔洗一邊行一邊食咁狼狽，岩晒我呢d淑女，好似係。呢度叫左3樣野，收19蚊，價錢尚可。魚蛋6蚊5粒, 係爽口既，不過寶寶唔食得辣，叫左普通，無咩味道，要加豉油。燒賣6蚊5粒，燒賣比魚蛋有驚喜，煙韌有咬口。芝士腸7蚊5條，芝士腸可能擺得太耐，脆皮烘得太乾。除左呢d，見到人食碗仔翅，都好似唔錯，下次可以試試。