味千拉麵 (已結業)

尋日黎左呢度食晏, 因為友人突然間話好想黎食, 其實師傅從來對呢間食店都冇咩好感, 不過既然係就黎試下啦!去到都幾多人要等位, 等左都成十分鐘先至有枱, 一坐底餓到半死嘅師傅即刻睇下有咩好食, 最後要左個簡簡單單嘅咖哩雞扒飯配茄子!等左一陣個咖哩雞扒飯就到, 咖哩雞扒飯嘅咖哩幾香, 少少辣, 而雞扒就係炸雞,幾滑身同埋唔韌, 而飯嘅份量唔算多, 所以師傅唔使一陣就食晒, 而茄子就冇咩特, 好普通下!總括黎講食物質素冇咩特別, 環境就一般, 服務尚算可以接受, 而價錢唔算相宜,不過都可以接受, 三十四蚊個餐再加一啦, 如果有得揀, 師傅就一定唔揀, 因為食拉麵師傅一定會去橫綱, 如果定食呢度都唔會係首選, 結論係師傅下次都未必會再黎!