語菓 (淘大商場) (已結業)

💛去親九龍灣淘大買茶飲, 都見好多人排隊買地鋪Comebuy Tea, 但用心搜尋一下, 發現正正在樓上2樓有間良心小店, 係位於2樓實惠Pricerite隔離, 有得揀梗係去幫襯啦! 我地揀左招牌嘅"梨園吹鳳曲" (微糖), 個名好有詩意, 隻杯仲好靚💛 呢款本身配方係去冰, 唔洗揀冰量, 面頭係蜂蜜味鮮奶蓋, 蜂蜜味好出, 奶蓋輕盈又唔膩, 茶飲用左包種綠茶加秘製菠蘿果醬沖製, 鳳梨味好香, 一飲落去有好清新又解渴嘅感覺!店鋪外仲有籤櫃, 買完野飲仲可以順便求支籤😂有人生、事業、感情、學業四大類嘅籤, 除左"學業", 我地全部都貪得意地求晒XD 記住個籤號去返籤櫃拎籤文黎睇, 仲有本解籤書幫你解文😂好飲又好玩呀😂 小店仲有原茶, 水果系列, 鮮奶茶同珍珠奶茶類可以揀, 見到佢地係用選用日本Meiji牛奶沖製嫁, 下次要試埋先! 呢間唔係地鋪, 人流好少, 而且附近好多鎖式飲品店, 希望佢可以頂住, 大家去九龍灣時記得去支持下佢~