影片
更多
2021-08-25
1543 瀏覽
天氣熱辣辣，行多陣都燥底🥵 今次我哋去咗位於尖沙咀地庫嘅金妹記大排檔 飲啤酒解暑！入到去，乜都唔好講住，即刻叫枝生力清啤 ($24/ 枝)解渴，而且戰鬥碗送來嘅時候居然係冰凍㗎，好感動😭 (飲酒過量有害健康，自己注意)去到大排檔，點都要試下本地地道小食嘅，我哋今次就選咗：脆皮炸大腸 ($68)：大腸洗得乾淨就基本，意想不到嘅係，外皮炸到脆卜卜，大腸厚薄適中，配合埋酸甜醬，可以中和大腸嘅肥膩，不知不覺咁就食哂。避風塘粟米 ($68)：雖然材料不太出眾，不過唔好俾佢呃咗。鍋氣夠，令香/辣完美融和在一起，加埋粟米本身嘅清爽，送啤酒一流！蒜蓉粉絲蒸蟶子皇 ($138/ 4隻)：本身無乜期望，只係想過吓口癮，點知送到嚟真係有驚喜😍 蟶子算新鮮，而且挑咗腸，良心之作！海量粉絲，撈埋豉油熟油和蒜頭，可以送幾碗飯🤤水煮鵝腸鴨血 ($88)：有睇開我哋嘅朋友都知我哋係鵝腸fans，鵝腸爽口，不過略嫌唔夠肥和份量一般，而另一主角鴨血就不過不失喇，配以大量花椒和紅油，麻就夠，不過就不太辣 (愛辣嘅朋友可嘗試落單時同侍應講聲)，最底層就用水晶粉墊底，明白嘅，成本問題
入到去，乜都唔好講住，即刻叫枝生力清啤 ($24/ 枝)解渴，而且戰鬥碗送來嘅時候居然係冰凍㗎，好感動😭
(飲酒過量有害健康，自己注意)
去到大排檔，點都要試下本地地道小食嘅，我哋今次就選咗：
脆皮炸大腸 ($68)：大腸洗得乾淨就基本，意想不到嘅係，外皮炸到脆卜卜，大腸厚薄適中，配合埋酸甜醬，可以中和大腸嘅肥膩，不知不覺咁就食哂。
避風塘粟米 ($68)：雖然材料不太出眾，不過唔好俾佢呃咗。鍋氣夠，令香/辣完美融和在一起，加埋粟米本身嘅清爽，送啤酒一流！
蒜蓉粉絲蒸蟶子皇 ($138/ 4隻)：本身無乜期望，只係想過吓口癮，點知送到嚟真係有驚喜😍 蟶子算新鮮，而且挑咗腸，良心之作！海量粉絲，撈埋豉油熟油和蒜頭，可以送幾碗飯🤤
水煮鵝腸鴨血 ($88)：有睇開我哋嘅朋友都知我哋係鵝腸fans，鵝腸爽口，不過略嫌唔夠肥和份量一般，而另一主角鴨血就不過不失喇，配以大量花椒和紅油，麻就夠，不過就不太辣 (愛辣嘅朋友可嘗試落單時同侍應講聲)，最底層就用水晶粉墊底，明白嘅，成本問題
張貼
