深味餃子 (已搬遷) 新店位置

今晚行過荃灣，見到一間裝修比較新，同埋賣一些新款的餃子，於是就入咗去試試啦。入到去，感覺都幾家庭式，所以覺得味精應該唔多。果然不出所料，我從佢碗湯度就知，因為味道足料但飲完唔會口渴，同係屋企飲嘅足料湯一樣。當然，作為一間餃子店，佢有提供煎餃或者湯餃，我地怕熱氣，就叫咗湯餃來食。原來個湯底都係用返岩岩飲個碗足料湯，正。我地叫咗兩種餃各五隻，一隻係黑松露芝士餃子，一隻係野菌豬肉餃。兩者味道都唔錯，一隻濃，一隻淡，岩哂想食唔同口味嘅人士選擇。另外，我地仲叫咗兩碟雞翼，一碟係蜜釀雞翼，一碟係櫻花蝦雞翼。先講蜜釀雞翼，甜得來唔係死甜，又唔會太淡，岩岩好。櫻花蝦雞翼就基於蜜釀雞翼至上再加櫻花蝦，味道豐富咗，層次都唔同咗。加上店員都好細心介紹菜單，有心有水準嘅家庭式小店的確要支持。