藏 (已結業)

今日中午口痕想食下日本嘢，呢一間位處銅鑼灣市中心既日式料理幾有驚喜。我試咗嗰嚴選10件壽司+1件手卷 (Premium Sushi Platter)嘅lunch set，講得嚴選其實已經有啲期望。壽司到之前，先有兩款開胃前菜:煙肉沙律和茶碗蒸。沙律新鮮好味開胃，煙肉有味而不膩，為沙律點睛。至於壽司呢，最欣賞當日師傅喺你面前慢慢一款一款壽司整比你食，就哂你食速。等你食完一款先再整下一款，食得慢嘅朋友就唔怕食物一次過黎哂放得耐而影響食物質素。所以壽司飯恰到好處，不太熱不太凍，亦顯得出師傅細心位。每一款壽司都有心思驚喜位，例如蝦壽司上面加上黑松露點綴，其香味令到鮮蝦味更豐富。自己最鍾意就係鰤魚壽司，口感一流，油脂比例滿分！其實每一款壽司嗰口感都好唔一樣，但係同時又好豐富喎！雖然呢間餐廳唔算便宜，但食得出食材係高質，喺香港少數可以有呢個價錢食到呢個質數。值得我下次再試。