Say Hi Bar & Dining (士丹利街) (已結業)

中環食西餐其實真係有好多選擇，但係我自己就比較鍾意去呢一間食。佢lunch time嘅餐係百零蚊左右，有湯有蒜蓉包有個主菜同埋有杯嘢飲。呢個價錢係中環黎講係偏平，最重要係佢食物質素好，而且間餐廳都好開陽仲有戶外枱，而枱與枱之間又唔會話太迫。嗰日就試咗個雞卷，淨係睇個擺盤都覺得吸引。佢啲雞整得好嫩，而且配搭無花果同埋其他蔬菜感覺都好健康。佢個南瓜湯都好濃，蒜蓉包都係焗到好脆先上枱。而且佢啲嘢飲都多選擇，可以揀下水果茶嗰啲。