小方糖甜品 (淘大商場2期)

營業中

休息中

雖然已經係上年聖誕節食，但真係好想寫反食評。小方糖好多分店，但唔係間間都咁有心思。聖誕節當日黎食叫左個朱古力心太軟，個甜品黎到個一刻真係哇左一聲😨😨痴線嫁？畫得咁靚既🫶🏻🫶🏻🫶🏻一個平平地既甜品竟然咁好心機畫左個聖誕老人出黎。係聖誕節當日食到真係好開心好驚喜😊😊😊而且味道仲好好食，好重朱古力味👍另外仲點左個朱古力窩夫，窩夫外脆內軟，加埋雪糕一齊食真係食唔停口🤤🤤平時都有食過九龍城同旺角分店，旺角分店係冇畫碟，可能因為旺角人流比較多冇時間畫啦。所以以後會好多黎淘大呢間食🤭一樣既價錢但開心好多。