影片
更多
2018-04-17
225 瀏覽
呢日去尖沙咀睇完馬戲表演，同男友係openrice 搜尋到呢間好多好評嘅餐廳試下。打開餐牌嘅第一頁，唔係菜式名，而係有兩句英文『Eating is a necessity. But cooking is an art.』，開宗明義話比你知佢地走嘅路線。而餐桌上，每個位都有一張印有勉勵句子的小卡，張張不同，係比客人可以拎走嘅，都幾特別啊。我地叫嘅野食無論係擺位或者顏色都靚嘅，係度分享下：香煎帶子配大野菇 - 呢個頭盤係男友點嘅，佢知我鍾意食菇，咁呢隻菇都冇令人失望，放得落3隻帶子係面，又香噴噴，又juicy。帶子香草醬意大利飯 - 意大飯都係我摯愛，香草醬令個飯食落好清新，飯同埋醬汁煮得恰到好處。香煎紐西蘭羊扒配羊奶芝士 - 羊奶芝士係散落在羊扒之上，我地叫7成熟，羊扒好食，但我更想讚嘅係佢嘅伴碟菜-西蘭花，令我眼前一亮，因為唔係平日P街市常見嘅普通西蘭花，而係尖頭嘅西蘭花，小小嘅不同，但卻睇到廚師嘅心思。火焰雪山 - 一個為完美晚餐寫上句號嘅表演環節，侍應哥哥將座山送到我地面前，然後即場表演火燒雪山。雪山外層口感似BBQ的半熔綿花糖，雪山內有朱古蛋糕同冰凍嘅雪糕。佢地食嘅時候會沾到少
打開餐牌嘅第一頁，唔係菜式名，而係有兩句英文『Eating is a necessity. But cooking is an art.』，開宗明義話比你知佢地走嘅路線。而餐桌上，每個位都有一張印有勉勵句子的小卡，張張不同，係比客人可以拎走嘅，都幾特別啊。
我地叫嘅野食無論係擺位或者顏色都靚嘅，係度分享下：
香煎帶子配大野菇 - 呢個頭盤係男友點嘅，佢知我鍾意食菇，咁呢隻菇都冇令人失望，放得落3隻帶子係面，又香噴噴，又juicy。
帶子香草醬意大利飯 - 意大飯都係我摯愛，香草醬令個飯食落好清新，飯同埋醬汁煮得恰到好處。
香煎紐西蘭羊扒配羊奶芝士 - 羊奶芝士係散落在羊扒之上，我地叫7成熟，羊扒好食，但我更想讚嘅係佢嘅伴碟菜-西蘭花，令我眼前一亮，因為唔係平日P街市常見嘅普通西蘭花，而係尖頭嘅西蘭花，小小嘅不同，但卻睇到廚師嘅心思。
火焰雪山 - 一個為完美晚餐寫上句號嘅表演環節，侍應哥哥將座山送到我地面前，然後即場表演火燒雪山。雪山外層口感似BBQ的半熔綿花糖，雪山內有朱古蛋糕同冰凍嘅雪糕。佢地食嘅時候會沾到少少燒山餘下嘅白蘭地，我嘅味雷話比我知佢好忙。
呢餐埋單近$700﹐綜合環境、心思、食物質素、份量、地理位置等，都合理。
張貼
