鮨心 (已搬遷) 新店位置

旺角新開了潮人商場T.O.P,行完過對面馬路有間日本料理叫鮨心，入到去以淺木色為主 ，有和風格調。先叫了彩虹卷$98，壽司師傅好有心機製作這款彩虹卷，即三文魚，赤蝦同牛油果包的飯團，放得好靚，面還有黑松露，好正。牛肉豆腐$68，薄切牛肉，牛肉味濃，豆腐連埋牛肉湯一齊食，好清甜。厚燒玉子$38，甜甜地，稔身，唔會乾身。鯖魚$88，燒得好香，魚肉結實魚香味重。雜錦天婦羅稻庭烏冬$148，烏冬彈牙，天婦羅夠鬆化，而蝦又大隻又脆卜卜，超正。