Pentola (裕民坊YM²) (已結業)

前排朋友凱匯入伙就去參觀下，差唔多晚餐時間就去咗樓下裕民坊 YM 食飯，揀咗呢間位於花園平台噴水池附近嘅餐廳。餐湯係南瓜忌廉湯口感綿綿。多士超級脆口，白鯷魚軟嫩多汁，配上茄子蓉呢個食法幾特別。兩款不同嘅火腿配大大粒青提子，估唔到味道都幾夾。慢煮牛面頰番紅花意大利飯，牛面頰經過慢煮之後肉質超級軟腍，而且意大利飯每粒都沾滿醬汁，味道同口感都一流。炭燒安格斯封門柳上枱時熱辣辣香噴噴，封門柳係橫膈膜嘅肌肉，肉質鬆軟嫩滑牛肉味濃，另外呢度個薯條超級正食過返唔到轉頭，超級脆同超有薯香味。