南昌冰室

營業中

休息中

今日公司未開工 ，去完運輸署續牌之後，肚仔有啲肚餓，打開openrice搵嘢食， 排名高嗰啲 豬潤麵呀，又食過曬啦。 合益泰有未開工。 行嚟行去來來回回畀我發現咗呢間門面寬敞嘅茶餐廳， 南昌茶記?! 叫得南昌 , 即係打正旗號地頭蟲啦! 所以決定行入去試一試佢, 入到去每張枱都坐滿人, 我就被安排搭枱，喺未睇餐牌嘅時候左望望右望望 ，決定使下個常餐 。 呢間嘢應該裝修咗唔耐 成間野有兩層 咁仲有上面一層直望就望到水吧啦 夾雜咗少少懷舊嘅感覺 不過由於我隔離有一班疑似 江湖人士喺度討論江湖大事唔方便周圍拎住機周圍影 好等咗大概十分鐘我嗰份常餐終於到啦 。 一杯熱鴛鴦一份火腿奄列加一份超厚牛油多士，再加一碗沙嗲牛麵。首先講下杯鴛鴦我本人飲開齋啡，所以奶略嫌多，但係呢杯嘢茶味香 溝埋啲咖啡成杯嘢balance得好好一啲都唔酸。 嗰份火腿奄列 加埋 冇兩隻蛋都有三隻蛋，仲係 日本蛋有橙黃色嘅。成份嘢食到，又睇到 仲有濃香嘅蛋味。總之好過荃灣嗰啲乜乜茶餐廳或者 九龍澳洲嗰隻牛 ！！！沙爹牛麵就中規中矩啦,牛肉夠新鮮, 但係個湯底就 略嫌味精太多 面都係用大光麵 成份餐 有視覺味覺嗅覺嘅享受