影片
更多
2021-11-24
177 瀏覽
點樣食推介✨⭐️倫敦過江龍⭐️⭐️大館pop-up日本菜⭐️🤸🏻Statement 地址：中環荷李活道10號大館1座1樓🍖軟殼蟹天婦羅 $188 (8/10) 🌟幾好味🌟依碟係一碟出色嘅軟殼蟹天婦羅，兩個朋友都指名叫我係食評度讚佢😂，其實statement d定價係偏高，所以依個軟殼蟹天婦羅算係咁多款菜式裏面貴得黎有合理嘅份量，都叫有四件🤣，同埋食完好滿足，佢嘅炸粉算係比較有存在感，但係係好食嘅炸粉，店家炸得啱啱好同埋勁乾爽，夠曬金黃酥脆，咬落口係勁脆😽，平時食d軟殼蟹天婦羅都唔知點解勁油，搞到我對軟殼蟹其實冇好感😂，但依度嘅軟殼蟹真心值得一試👍🏻🍖鰻魚牛油果卷 $138 (7/10) 其實我見到menu已經覺得佢d卷好唔吸引😂，不過循例都嗌返個，上到黎個份量其實有嚇親我，真心舊roll係勁細粒🤑，只可以zip牙la用，唔係好建議嗌佢d roll，味道方面就冇特別，唔算差又唔算好，所以就更加唔抵嗌🍖枝豆 $38 (7.5/10)抵嗌，唔知點解依度嘅枝豆又冇賣特別貴，份量又幾多下😂😂，枝豆外層嘅鹽落嘅份量啱啱好，拎黎配sake一流🍖銀鱈魚西京燒 $288 (8.5/10) 🌟好味道🌟唔知係咪我
⭐️倫敦過江龍⭐️
⭐️大館pop-up日本菜⭐️
🤸🏻
Statement
地址：中環荷李活道10號大館1座1樓
🍖軟殼蟹天婦羅 $188 (8/10) 🌟幾好味🌟
依碟係一碟出色嘅軟殼蟹天婦羅，兩個朋友都指名叫我係食評度讚佢😂，其實statement d定價係偏高，所以依個軟殼蟹天婦羅算係咁多款菜式裏面貴得黎有合理嘅份量，都叫有四件🤣，同埋食完好滿足，佢嘅炸粉算係比較有存在感，但係係好食嘅炸粉，店家炸得啱啱好同埋勁乾爽，夠曬金黃酥脆，咬落口係勁脆😽，平時食d軟殼蟹天婦羅都唔知點解勁油，搞到我對軟殼蟹其實冇好感😂，但依度嘅軟殼蟹真心值得一試👍🏻
🍖鰻魚牛油果卷 $138 (7/10)
其實我見到menu已經覺得佢d卷好唔吸引😂，不過循例都嗌返個，上到黎個份量其實有嚇親我，真心舊roll係勁細粒🤑，只可以zip牙la用，唔係好建議嗌佢d roll，味道方面就冇特別，唔算差又唔算好，所以就更加唔抵嗌
🍖枝豆 $38 (7.5/10)
抵嗌，唔知點解依度嘅枝豆又冇賣特別貴，份量又幾多下😂😂，枝豆外層嘅鹽落嘅份量啱啱好，拎黎配sake一流
🍖銀鱈魚西京燒 $288 (8.5/10) 🌟好味道🌟
唔知係咪我食得西京燒少，我覺得依個係我食過最好食嘅西京燒🤣，真心對得住佢個價錢，真心好好食，好鮮甜好嫩滑，可能因為店家切到個銀鱈魚勁厚身嘅關係，d魚肉係特別juicy，但厚得黎又勁入味，d味噌甜甜地鹹鹹地真心好惹味，仲要燒得勁靚🥺，連我唔鍾意食魚嘅朋友都話好食，話1d魚嘅腥味都冇，咁當然喇，銀鱈魚wor🤣🤣🤣，本身食材靚就點整都好食
🍖和牛泡菜炒飯 $218 (7.5/10)
本身以為依間野好唔抵食，但佢一上碟炒飯我真心嚇親，三人份黎嘅大佬😂，足料到食到想喊😂，最後我地三個女仔係食唔曬嘅….一道菜即刻打爆左我地個胃(￣∇￣)，佢味道都ok架，和牛嘅香味都幾重，但我覺得泡菜同和牛陣味唔係好夾，d飯偏濕，但就真係好抵食，不過最重要係生日嗰位朋友覺得好食(⁎⁍̴̛ᴗ⁍̴̛⁎)
🍖Green Tea Brulee Strawberry Sorbet $78 (7/10)
舊綠茶蛋糕唔好食的，d調味怪怪地，可能本身抹茶同燉飯唔係好夾？但個士多啤梨雪葩就唔錯，店員手字都幾靚，拎黎影相都幾好
🍖Pantocho $128 (8.5/10) 🌟好味道🌟
依杯cocktail好出色，成分有gin、green tea、coconut syrup、yuzu、lemon、pineapple，成杯野冇酒味咁濟，甜甜地咁勁fruity，好啱女仔飲👍🏻
🍖Tokyo Drift $128 (7.5/10)
依杯就係rum、matcha、pineapple、lime同埋passion fruit組成，果然有rum係度嘅cocktail都唔會好好飲，大家可以skip😂，雖然味道係正常嘅～但rum陣味真係太搶
🍖京姬’匠’ 純米大吟釀 $168/150ml (8/10) 🌟幾好味🌟
依款sake 精米步合45%，用左山田錦依隻米製造，飲落口順滑，米香味重，好適合唔鍾意辛口嘅朋友，話說如果d sake係由山田錦整嘅話真係唔會難飲得好邊，通常聞落d米香都好正👍🏻👍🏻
回頭指數: 🍧🍧🍧🍧 (滿分:🍧🍧🍧🍧🍧)
好坐指數: 🧎🏻♀🧎🏻♀️️🧎🏻♀️️🧎🏻♀️🧎🏻♀️ (滿分:🧎🏻♀️🧎🏻♀️🧎🏻♀️🧎🏻♀️🧎🏻♀️）
話說黎依度生日係會幫你print張相出黎留念，張生日卡仲要幾靚仔，依度裝修環境好靚，真心黎慶生唔錯🤣，不過要識得嗌菜式！如果你嗌曬roll就會又貴又普通，我見其他野好似都冇特別，店員仲會sell佢地d冷門菜式比你，千期要堅定d，兩個人食嗌我推介嘅軟殼蟹天婦羅同埋西京燒再嗌個飯就夠🤣，同埋佢d cocktail都好高質(⁎⁍̴̛ᴗ⁍̴̛⁎)，情侶就咁黎佢嘅露台飲酒都唔錯，或者dating緊都啱㗎，超好feel derrr～(*¯︶¯*)
張貼
