金柚泰國餐廳 (已結業)

第一次來這家小店， 地點好刁鑽， 唔係朋友介紹都唔會過嚟呢一邊，都幾難搵。夜晚十點放工就衝過嚟，因為哩度收十一點。㕑房和樓面都係泰國人。我哋兩人叫咗咖哩蝦、生菜肉碎包、蒜蓉包、芒果糯米飯。好地道嘅味道，好似置身喺泰國咁。每碟餸菜都好用心做，熱辣辣好好味。咖哩蝦配上蒜蓉包，簡直係一絕生菜肉碎包， 我哋要咗小辣，加上檸檬嘅酸酸may may，正芒果糯米飯，椰香味加上陣陣嘅杏仁味，好正。支持小店， 希望小店繼續 keep住水準。